कोरोना भाइरस संक्रमणबाट ज्यान गुमाउनेको संख्या ८ लाख ५० हजार नाघेको छ । अहिलेसम्म कोरोनाबाट ८ लाख ५० हजार ५ सय ३ जनाको ज्यान गएको छ ।
संक्रमितको संख्या पनि बढेर २ करोड ५३ लाख ८२ हजार ७ सय ७४ पुगेको छ । संक्रमितमध्ये १ करोड ७७ लाख ४ हजार ८ सय ३३ जना निको भएर फर्किएका छन् भने ६१ हजार १ सय ८ जनाको ज्यान गएको छ ।
अहिलेसम्म सबैभन्दा धेरै अमेरिकामा १ लाख ८७ हजार २ सय २४ र ब्राजिलमा १ लाख २० हजार ८ सय ९६ जनाको ज्यान गएको छ । भारतमा ६४ हजार ६ सय १७ र मेक्सिकोमा ६४ हजार १ सय ५८ जनाको मृत्यु भएको छ ।
