शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
युक्रेनको राजधानी किभमा रहेको चिहान गृहमा एक हजार २० शव राखिएको सरकारी अधिकारीले बिहीबार जनाएका छन् ।
रुसले युक्रेनमा आक्रमण गरेपछि भएका हिंसात्मक घटनामा परी उनीहरूको मृत्यु भएको युक्रेनी अधिकारीले दाबी गरेका छन् । ‘ती शवहरू सडक तथा विभिन्न घरहरूबाट संकलन गरिएको हो, रुसले गरेको आक्रमणकै कारण उनीहरूको मृत्यु भएको हो,’ एक अधिकारीले भने ।
देशका अन्य ठाउँहरूमा पनि शवहरू छरिएको र संकलन गर्ने कार्य भइरहेको बताइएको छ । रुसले युक्रेनमाथि गत फेब्रुअरी २३ मा आक्रमण थालेपछि हजारौंको मृत्यु भएको छ भने लाखौं मानिस विस्थापित भएको दाबी गरिएको छ ।
आक्रमण रोक्न सर्वत्र विरोध र दबाब भए पनि रुसले भने आक्रमण जारी राखेको छ । आक्रमण भएको सुरुका केही दिनमा चरण-चरणमा दुईपक्षीय वार्ता भए पनि निष्कर्ष निकाल्न नसकेपछि अहिले वार्ता पनि हुन छाडेको छ ।
