मंगलवार, कार्तिक १८ गते २०८३
- ट्रेण्डिङ :
- # समाज
- # मनाेरञ्जन
संसद र स्थानीय तहमा तेस्रो दलको हैसियतमा रहेको माओवादी केन्द्र यस पटकको स्थानीय तहको निर्वाचनमा कर्णालीमा पहिलो दल बन्ने देखिएको छ ।
गठबन्धनबीच धेरै जसो जिल्लामा भएको चुनावी तालमेलको सहमतिका क्रममा माओवादीले पाएको सिट काँग्रेसको भन्दा पनि बढी छ । रुकुम पश्चिम र सुर्खेत बाहेकको जिल्लामा गठबन्धनले भागबण्डा टुंगो लगाएको छ ।
कणार्लीका विभिन्न जिल्लामा अहिले सम्म गरिएको भागबण्डा अनुसार माओवादीको भागमा प्रमुख उपप्रमुख गरी ५१, नेपाली काँग्रेसको भागमा ४७ र एकीकृत समाजवादीको भागमा २९ सिट परेको छ ।
यहाँ जसपा र जनमोर्चा सामेल भएका छैनन् । अझ माओवादीले अघिल्लो पटक अत्याधिक जीत हासिल गरेको रुकुम पश्चिममा भाग बण्डा गर्दा माओवादीको भागमा बढी पर्ने संभावना छ भने सुर्खेतमा पनि माओवादीले केही हिस्सा पाउनेछ ।
कुलमा कर्णालीमा माओवादी पहिलो, काँग्रेस दोस्रो र एसलाई तेस्रो पोजिसन हुने गरी भागवण्डा गरेको देखिएको छ । यी सबै तहमा गठबन्धनले सहमति अनुसार जिताउन सफल भएमा सो प्रदेशमा माओवादी पहिलो दल बन्ने संकेत देखिएको माओवादी केन्द्रका सो प्रदेशका नेताहरु बताउछन् ।
अन्य प्रदेशको तुलनामा माओवादीको जनाधार र प्रभाव राम्रो रहेकाले पनि कर्णालीमा धेरै सिट लिन माओवादी सफल भएको देखिएको छ ।
