मंगलवार, कार्तिक १८ गते २०८३
- ट्रेण्डिङ :
- # समाज
- # मनाेरञ्जन
एकीकृत जनक्रान्ति गर्ने भन्दै नयाँ पार्टी बनाएर केही समय हिंसात्मक गतिविधि गरेर एक दर्जन मानिसको ज्यान लिएको विप्लव पार्टी विभाजित भएको छ ।
विप्लवले पार्टी भित्र अल्पमतमा पर्दा पनि निर्णय विपरीत धमाधम आफैले निर्देशन दिएर केन्द्रीय नेताहरुलाई नै निर्वाचनमा भाग लिन उम्मेद्धार बनाउदै पठाएपछि असहमति राख्दै आएका हेमन्त ओली र धर्मेन्द्र बास्तोलालाई उनैले आज पार्टीबाट निष्कासित गरेका छन् ।
यो निष्कासनसँगै ओली र वास्तोलाले भेला गरेर नयाँ पार्टी घोषणा गर्ने तयारी गरेका छन् । विप्लवले वक्तव्यमा दुई नेताले नाङगो गुटबन्दी गरेको, पार्टी निर्णय विपरीत अराजक गतिविधि गरेको जस्ता आरोप लगाएका छन् ।
बास्तोलाले हिजो मात्रै विज्ञप्ति जारी गरी उम्मेद्धारी दर्ता गरेका केन्द्रीय सदस्य र जिल्ला पदाधीकारीलाई उम्मेद्धारी फिर्ता लिन अपील गरेका थिए ।
ओली र वास्तोलाले एक दर्जन बढी केन्द्रीय सदस्य समेत अन्य नेताहरु लिएर नयाँ पार्टी बनाउने तयारी थालेका छन् । ओली र बास्तोलाले आफू पक्षीय नेता कार्यकर्ताहरुसँग् भेटघाट र छलफल जारी राखेको र पार्टी घोषणा गर्ने अन्तिम तयारी भएको एक नेताले बताए ।
