- ट्रेण्डिङ :
अभिनेता भुवन केसी र अभिनेत्री श्वेता खड्का नेपाली काँग्रेसमा प्रवेश गरेका छन् ।
मंगलबार प्रधानमन्त्री निवास बालुवाटारमा आयोजित कार्यक्रमान केसी र खड्का काँग्रेसमा प्रवेश गरेका हुन् ।
कलाकार संघका अध्यक्ष रवीन्द्र खड्का पनि काँग्रेस प्रवेश गरेका छन् । उनीहरुलाई बालुवाटारमा प्रधानमन्त्री तथा काँग्रेस सभापति शेरबहादुर देउवाले पार्टीमा स्वागत गरेका हुन् ।
अभिनेता केसी यसअघि एमालेमा रहेका थिए । पार्टीमा प्रवेश गराउँदै देउवाले कलाकार देशको गहना भएकाले पार्टीले उचित जिम्मेवारीसहित सम्मान गर्ने आश्वासन दिएका छन् ।
दीपकराज गिरीको व्यङ्ग्य
नेपाल प्रहरीका महानिरीक्षक (आइजीपी) बढुवाप्रति अहिले सामाजिक सञ्जालमा विभिन्न टिकाटिप्पणी भइरहेका छन् ।
दुईजना सिनियर अतिरिक्त महानिरीक्षक (एआइजी)लाई पन्छ्याएर जुनियर एआइजी धिरजप्रताप सिंहलाई आइजीपी बनाइएकोप्रति विभिन्न दलका नेता/कार्यकर्तादेखि सर्वसाधारणले विरोध जनाइरहेका छन् ।
प्रहरीको आइजीपी बढुवा प्रकरणमा अभिनेता तथा निर्माता दीपकराज गिरीले पनि व्यङ्ग्य गरेका छन् । उनले प्रधानमन्त्री शेरबहादुर देउवाले तेस्रो व्यक्तिलाई आइजीपी बनाएको भन्दै व्यङ्ग्य गरेका छन् ।
गिरीले सामाजिक सञ्जालमा लेखेका छन्,“धन्न शेरबहादुर प्रधानमन्त्री भएछन् । प्रधानाध्यापक भएका भए सधैँ थर्ड ब्वाइलाई फर्स्ट ब्वाइ बनाइदिने रहेछन् ।”
