शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
एजेन्सी । बेलायतले युक्रेनलाई तीन अर्ब ७६ करोड अमेरिकी डलर सहयोग गर्ने भएको छ ।
बेलायती प्रधानमन्त्री बोरिस जोनसनले युक्रेनको संसद्लाई सम्बोधन गर्दै सहयोगको घोषणा गरेका हुन् । रुसले निरन्तर आक्रमण गरेपछि सहयोगको अपील गरिरहेको युक्रेनलाई बेलायतले यसअघि नै सहयोग गर्ने आश्वासन दिएको थियो ।
एएफपीका अनुसार बेलायतले अहिले घोषणा गरेको सहयोग सैन्य सहयोग हो । बेलायती प्रधानमन्त्री जोनसनले युक्रेनको संसद्लाई अनलाइन माध्यमबाट झण्डै एक घण्टा सम्बोधन गरेका थिए ।
युक्रेनको भेर्खोभना राडामा रुसले आक्रमण गरेपछि यो पहिलो विदेशी नेताको सम्बोधन हो । युक्रेनमाथि रुसले आक्रमण गर्दा बेलायतले सुरुमै विरोध गरी युक्रेनको पक्षमा उभिएको थियो ।
