मंगलवार, कार्तिक १८ गते २०८३
- ट्रेण्डिङ :
- # समाज
- # मनाेरञ्जन
नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले मतदान गरेका छन् । ओलीले भक्तपुर नगरपालिका–२ बालकोटस्थित महेन्द्र शान्ति माविको मतदान केन्द्रमा गएर मतदान गरेका हुन् ।
अन्य शीर्ष नेताले विहानै मतदान गरे पनि ओलीले भने ज्योतिषले भनेको समयमा मतदान गरेका हुन् ।
ओलीले पाँच दलीय गठबन्धनका कार्यकर्ताले एमालेका कार्यकर्तामाथि आक्रमण गरेको आरोप लगाएका छन् ।
स्थानीय तह निर्वाचन अन्र्तगतको मतदान प्रकृयामा सहभगी भएपछि प्रतिकृया दिँदै अध्यक्ष ओलीले यस्तो आरोप लगाएका हुन् ।
तोकिएको समयमा निर्वाचन नहोला कि भन्ने आशंका रहेता पनि समयमा निर्वाचन शूरु भएको भन्दै खुशी व्यक्त गरेका ओलीले आफ्ना कार्यकर्तामाथि आक्रमण हुनु अलोकतान्त्रिक व्यवहार भएको बताएका हुन् ।
दुई दल मात्रै हुन्छ : ओली नेकपा एमालेका अध्यक्ष केपी शर्मा ओलीले मतदान गरेपछि अब मुलुकमा दुई दल मात्र हुने दावी गरेका छन् ।
अध्यक्ष ओलीले भक्तपुरको सूर्य विनायक नगरपालिकास्थित शान्ती माध्यमिक विद्यालयबाट मतदान गरेपछि पत्रकारहरुसँग संक्षिप्त प्रतिक्रिया दिँदै देशमा एमाले एउटा दल र अरु मिलिजुली एउटा दल बन्ने अवस्था हुने बताएका हुन् ।
‘वहाँहरुले एउटा दल बनाएर आए पनि वा संयुक्त विभिन्न दल बनाएर कच्याङ्-कच्याङ गर्दैआए पनि हामीलाई केहि फरक पर्दैन’ अध्यक्ष ओलीले भने, ‘हामी आफ्नो तयारीमा छौँ । हामी उउटा दल चुनामा आफ्नो ढंगले लड्छौँ ।’
