वैशाख ३० सम्पन्न स्थानीय तह निर्वाचनको मतगणना अन्तिम चरणमा छ । ७५३ स्थानीय तहमध्ये हालसम्म ७०२ पालिकाको नतिजा सार्वजनिक भएको छ ।

पछिल्लो मतपरिणाम अनुसार नेपाली कांग्रेस पहिलो दल बनेको छ । कांग्रेसले आइतबार विहान ८ः ३० बजेसम्म ३११ पालिकामा प्रमुख जितेको छ भने २८३ स्थानमा उपप्रमुख जितेको छ । कांग्रेसले अझै १५ स्थानमा अग्रता लिइरहेको छ ।

यता २०७४ सालमा पहिलो दल बनेको नेकपा एमालेले यसपटक दोस्रो दलमा चित्त बुझाउनु पर्नेछ । एमालेले हालसम्म १९० स्थानमा पालिका प्रमुख जितेको छ भने २१८ स्थानमा उपप्रमुख जितेको छ ।

यस्तै, माओवादी केन्द्रले ११९ स्थानीय तहको नेतृत्व जित्न सफल भएको छ । उपप्रमुखमा १२४ स्थानमा जित हात पारेको छ । जनता समाजवादी पार्टीले २९ स्थानमा जित हात पारेको छ ।

यस्तै, नेकपा एकीकृत समाजवादीले पहिलो पटक भाग लिएको स्थानीय निर्वाचनमा १७ स्थानमा प्रमुख र २१ स्थानमा उपप्रमुख जित्न सफल भएको छ ।

त्यस्तै, लोकतान्त्रिक समाजवादी पार्टीले ११ पालिकामा प्रमुख र ९ पालिकामा उपप्रमुख जितेको छ । राप्रपाले ४ र अन्य दलले २३ स्थानमा जितेको छ ।

अहिले महानगर, उपमहानगर र केही जिल्ला लगायतका क्षेत्रमा मतगणना जारी छ । महानगरमा काठमाडौं, पोखरा, भरतपुर, वीरगञ्ज र ललितपुरमा मतगणना भइरहेको छ ।

काठमाडौंमा स्वतन्त्र उम्मेदवार बालेन साहले अग्रता कायम गरेका छन् । त्यस्तै, भरतपुर महानगरमा माओवादी केन्द्रका रेणु दाहालले अग्रता लिइरहेका छन् । पोखरा महानगरमा गठबन्धनतर्फ एकीकृत समाजवादीका धनराज आचार्यले अग्रता लिइरहेका छन् ।

त्यस्तै, ललितपुरमा नेपाली कांग्रेसका चिरिबाबु मर्हजनले अग्रता लिइरहेका छन् भने वीरगञ्जमा जसपामा राजेशमान सिंहले अग्रता कायम गरेका छन् ।

त्यस्तै, धरान उपमहानगरपालिका र धनगढी उपहानगरपालिकामा स्वतन्त्र उम्मेदवारले फराकिलो अग्रता बनाएका छन् ।

काठमाडौं महानगरपालिका
१, बालेन साह (स्वतन्त्र)- ३५७५१

२, केशव स्थापित  (एमाले)- १९५१५

३, सिर्जना सिंह (कांग्रेस)- १९४५८

४, सुमन सायमी (स्वतन्त्र)-१२९३

५, मदनदास श्रेष्ठ (राप्रपा)- १७९६

ललितपुर महानगरपालिका
१. चिरीबाबु महर्जन (कांग्रेस)- २७२४२

२. हरिकृष्ण ब्यञ्जनकार (एमाले)-१५९८३

३. अष्टबहादुर महर्जन (राप्रपा)- २६१०

भरतपुर महानगरपालिका
१, रेणु दाहाल (माओवादी)- २९६७५

२, विजय सुवेदी (एमाले)- २३८६१

३, जगन्नाथ पाैडेल (स्वतन्त्र)- १०४२४

पोखरा महानगरपालिका

१, धनराज आचार्य (एकीकृत समाजवादी)- ३५५८७

२, कृष्णबहादुर थापा (एमाले)- ३२३२५

३, शंकर खराल (राप्रपा)-३९८९

४, खडकराज पौडेल (स्वतन्त्र)- २२४९

वीरजगञ्ज महानगरपालिका
१, राजेशमान सिंह (जसपा)– २७५१५

२, विजयकुमार सरावगी (एमाले)– १४२३३

३, गिरीश गिरी (राप्रपा)– १३२२

विराटनगर महानगरपालिका
१, नागेश कोइराला (कांग्रेस)- ३०१७० (निर्वाचित)

२, सागरकुमार थापा (एमाले)- २१४५५

उपप्रमुख
काठमाडौं महानगरपालिका
१, सुनिता डंगोल (एमाले)- २६५७५

२,  रामेश्‍वर श्रेष्ठ  (एकीकृत समाजवादी)- ८५९१

३, विनिता मगैया (राप्रपा)- ३६२३

४, वेन्जीसिंह महर्जन (स्वतन्त्र) – २१४२

ललितपुर महानगरपालिका
१, मन्जली शाक्य बज्राचार्य (एमाले)-१५७६५

२, बाबुराजा बज्राचार्य  (माओवादी)- १०८३४

३, स्वर्णिमा शाक्य (राप्रपा)- ४५९७

भरतपुर महानगरपालिका
१, चित्रसेन अधिकारी (कांग्रेस)- ३२०५२

२, हिमला गुरुङ (राप्रपा)- १८४९४

पोखरा महानगरपालिका
१, कोपिला रानाभाट (कांग्रेस)- ३६०३९

२, मञ्जुदेवी गुरुङ (एमाले)- ३६८५४

३, रन्जनाकुमारी सेन पौडेल (राप्रपा)- ३८६४

वीरजगञ्ज महानगरपालिका
१, इम्तियाज आलम (कांग्रेस) – १९०४९

२, पुरुषोत्तमलाल झा (लोसपा)- ४२५१

३, रम्‍भा मिश्रा (स्वतन्त्र)- ३२५४

४, बिना जयसवाल (राप्रपा)– २८८५

विराटनगर महानगरपालिका
१, शिल्पा कार्की (एमाले)- २५६८० (निर्वाचित )

२,  अमरेन्द्र यादव (जसपा) – १४२१९

(अन्तिम अपडेट- जेठ ७ गते, शनिबार साँझ ७ः०९ बजे)