देशभरका ७५३ पालिकामध्ये साँझ ९ बजेसम्ममा ७१८ पालिकाको अन्तिम परिणाम सार्वजनिक भएको छ । हाल २ पालिकाको गणना स्थगित रहेको छ भने र बाँकी ३३ पालिकाको गणना जारी छ ।

हालसम्म ६ महानगरपालिकामध्ये विराटनगर महानगरपालिकाको मात्रै अन्तिम नतिजा सार्वजनिक भएको छ । काठमाडौँ महानगरपालिका, ललितपुर महानगरपालिका, पोखरा महानगरपालिका, भरतपुर महानगरपालिका र वीरगञ्ज महानगरपालिकाको गणना जारी छ । उपमहानगरपलिकामा हालसम्म धरान, धनगढी, इटहरी, हेटौँडा, बुटवाल, नेपालगञ्ज, घोराही, जितपुर सिमरा र कलैया गरी ९ वटाको अन्तिम परिणाम सार्वजनिक भएको छ ।

लसीपुर र जनकपुरको गणना जारी छ । तनहुँको व्यास नगरपालिका, पाल्पाको रम्भा गाउँपालिकालगाायत विभिन्न नगरपालिकामा पनि गणना जारी रहेको निर्वाचन आयोगले जनाएको छ । आयोगले जेठ १० गतेभित्र सबै पालिकामा गणना सकाउन आग्रह गरेको छ । हालसम्मको गतिका आधारमा काठमाडौँ, ललितपुर महानगरपालिकालगायत गणना समयमा नसकिने देखिएको छ ।

काठमाडौँ महानगरपालिका प्रमुखमा स्वतन्त्र उम्मेदवार बालेन्द्र साह र उपप्रमुखमा नेकपा (एमाले)की सुनिता डङ्गोलको अग्रता छ । साहले ४० हजार ५१ र उहाँका निकटतम प्रतिस्पर्धी नेपाली कांग्रेसकी सिर्जना सिंहले २२ हजार ४८४ रहेको छ ।

उपप्रमुखमा डङ्गोलको ३९ हजार ८१६ र उहाँको निकटतम प्रतिस्पर्धी नेकपा (एकीकृत समाजवादी) का रामेश्वर श्रेष्ठको १३ हजार ८९५ मत रहेको छ । ललितपुर महानगरपालिका प्रमुखमा कांग्रेसका उम्मेदवार चिरीबाबु महर्जन र उपप्रमुखमा एमालेकी मञ्जली शाक्यको अग्रता रहेको छ ।

कांग्रेसका उम्मेदवार महर्जनले ३५ हजार ३७४ र उहाँका निकटतम प्रतिस्पर्धी एमालेका हरिकृष्ण ब्यञ्जनकारले १८ हजार ८८६ मत पाउनुभएको छ ।

उपप्रमुखमा एमालेकी उम्मेदवार मञ्जली शाक्यले १८ हजार ३०९ मत र उहाँका निकटतम प्रतिस्पर्धी नेकपा (माओवादी केन्द्र) का बाबुराजा बज्राचार्यले १३ हजार ४७२ मत पाउनुभएको छ । बाजुराको बूढीगङ्गा नगरपालिका र उदयपुरको त्रियुगा नगरपालिका वडा नम्बर १२ मा भएको मतदानमा विवाद भएपछि हाल मतगणना स्थगित भएको छ ।

यी ठाउँमा मतगणना गर्ने या पुनःमतदान गर्ने भन्ने अन्योल छ । दुवै ठाउँमा निर्णय हुन बाँकी रहेको आयोगले जनाएको छ । कूल ३५ हजार २२१ पदमा हालसम्म ३३ हजार ८५८ निर्वाचित भएको आयोगले जनाएको छ । निर्वाचन सकिएको नौ दिन बितिसकेको छ ।

देशका ६ वटै महानगरपालिकाका प्रमुख तथा उप-प्रमुख पदका मुख्य उम्मेदवारहरुको मत परिणाम अपडेट-

प्रमुख
काठमाडौं महानगरपालिका
१, बालेन साह (स्वतन्त्र)- ४१७६७

२, सिर्जना सिंह (कांग्रेस)- २४३७५

३, केशव स्थापित  (एमाले)- २३३५४

४, सुमन सायमी (स्वतन्त्र)- १२९३

५, मदनदास श्रेष्ठ (राप्रपा)- १७९६

ललितपुर महानगरपालिका
१. चिरीबाबु महर्जन (कांग्रेस)- ३०८६०

२. हरिकृष्ण ब्यञ्जनकार (एमाले)- १८२०१

३. अष्टबहादुर महर्जन (राप्रपा)- ३३६३

भरतपुर महानगरपालिका
१, रेणु दाहाल (माओवादी)-४०५८९

२, विजय सुवेदी (एमाले)-  ३१५७०

३, जगन्नाथ पाैडेल (स्वतन्त्र)-  १३६४

पोखरा महानगरपालिका

१, धनराज आचार्य (एकीकृत समाजवादी)- ४५०२७

२, कृष्णबहादुर थापा (एमाले)- ४१५९०

३, शंकर खराल (राप्रपा)- ४९८७

४, खडकराज पौडेल (स्वतन्त्र)- २६१३

वीरजगञ्ज महानगरपालिका
१, राजेशमान सिंह (जसपा)– ३३३१५

२, विजयकुमार सरावगी (एमाले)– १७४२०

३, गिरीश गिरी (राप्रपा)– २४७४

विराटनगर महानगरपालिका
१, नागेश कोइराला (कांग्रेस)- ३०१७० (निर्वाचित)

२, सागरकुमार थापा (एमाले)- २१४५५

उपप्रमुख
काठमाडौं महानगरपालिका
१, सुनिता डंगोल (एमाले)- ३८३५१

२,  रामेश्‍वर श्रेष्ठ  (एकीकृत समाजवादी)- १३४३१

३, विनिता मगैया (राप्रपा)- ७०२३

४, वेन्जीसिंह महर्जन (स्वतन्त्र) – २१४२

ललितपुर महानगरपालिका
१, मन्जली शाक्य बज्राचार्य (एमाले)- १७७१६

२, बाबुराजा बज्राचार्य  (माओवादी)- १२६६६

३, स्वर्णिमा शाक्य (राप्रपा)- ४९७९

भरतपुर महानगरपालिका
१, चित्रसेन अधिकारी (कांग्रेस)- ४२०७४

२, हिमला गुरुङ (राप्रपा)- २४४८४

पोखरा महानगरपालिका
१, कोपिला रानाभाट (कांग्रेस)- ४४९६४

२, मञ्जुदेवी गुरुङ (एमाले)- ४७३२४

३, रन्जनाकुमारी सेन पौडेल (राप्रपा)- ४९२७

वीरजगञ्ज महानगरपालिका
१, इम्तियाज आलम (कांग्रेस) – २२८१३

२, पुरुषोत्तमलाल झा (लोसपा)- ५५५९

३, रम्‍भा मिश्रा (स्वतन्त्र)- ३१६८

४, बिना जयसवाल (राप्रपा)– ४३०१

विराटनगर महानगरपालिका
१, शिल्पा कार्की (एमाले)- २५६८० (निर्वाचित )

२,  अमरेन्द्र यादव (जसपा) – १४२१९