सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
नेकपा एकीकृत समाजवादीबाट गैरसांसद शेरबहादुर कुँवर मन्त्री बन्ने भएका छन् ।
एकीकृत समाजवादीले आइतबार गरेको निर्णयअनुसार संघीय संसदको सदस्य नरहेका कुँवर मन्त्री बन्न लागेका हुन् । अछामका कुँवरलाई एकीकृत समाजवादीले श्रम तथा रोजगार मन्त्रीका रुपमा सिफारिस गरेको छ ।
कुँवर गत फागुन २१ सम्म राष्ट्रियसभा सदस्य रहेका थिए ।
गोलाबाट आफैले तानेको समयअनुसार उनी समय पूरा गर्दै बिदा भएका थिए । संविधानको धारा ७८ मा संघीय सांसद नभएको व्यक्ति मन्त्री बनेमा ६ महिनाभित्र सांसद बन्नुपर्ने व्यवस्था छ ।
आगामी ६ महिना भित्र संघीय संसदको निर्वाचन हुने भएकाले कुँवरलाई समस्या नहुने देखिन्छ । तर, कुनै हालतमा संघीय निर्वाचन सर्यो भने मन्त्री रहिरहन कुँवरले अन्य कुनै उपाय खोजेर संसाद बन्नुपर्ने हुन्छ ।
