शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
नेपाल कम्युनिष्ट पार्टी (नेकपा)का अध्यक्षसमेत रहेका प्रधानमन्त्री केपी शर्मा ओलीले मन्त्रिपरिषद् पुनर्गठन नहुने संकेत गरेका छन् । मन्त्रिपरिषद् बैठकमा मन्त्रीहरुलाई ढुक्कले काम गर्नका लागि प्रधानमन्त्री ओलीले आग्रह गरे ।
मन्त्रिपरिषद् पुनर्गठनको कुरा आफूहरुविरुद्ध गरिएको प्रचारको रुपमा प्रधानमन्त्री ओलीले अर्थ लगाएका छन् । उनले भने, 'मन्त्रिमण्डल पुनर्गठनको कुरा कहाँबाट आयो? कसरी हल्ला चलेका छन्। मैले कहीँ बोलेको छैन । यो हामीविरुद्धको प्रचारमात्र हो । हल्लाकोपछि नलाग्नुस्, पुनर्गठन हुँदैन । ढुक्कसँग आफ्नो जिम्मेवारी पूरा गर्न लाग्नुस् ।'
नेकपा कार्यदलले मन्त्रिपरिषद् पुनर्गठन गर्न सुझाव दिए पनि प्रधानमन्त्री ओलीले मन्त्रिपरिषद् बैठकमा मन्त्रिपरिषद् पुनर्गठन नहुने संकेत गरेका एक मन्त्रीले नागरिकखबरलाई जानकारी दिए । उनले खाली ठाउँमा नयाँ नियुक्त गरेपनि सिंगो मन्त्रिपरिषद् पुनर्गठन नगर्ने आफू निकटसँग बताएका ती मन्त्रीले जानकारी दिए ।
