- ट्रेण्डिङ :
काठमाडौं, १२ असार । नर्भिकमा असाधारण मोटोपन भएकी महिलाले शल्यक्रियात्मक विधिबाट स्वस्थ शिशु जन्माएकी छिन् ।अस्पताल प्रशासनले जनाएअनुसार ती महिला काठमाडौंको कलङ्की निवासी ३१ बर्षिय महिला (श्रीमती मेरिना हमाल) हुन् । उनी गतअसार १० गते अपरान्ह ३ः१५ बजे नर्भिकको प्रसूति तथा स्त्रीरोग विभागको बहिरङ्ग कक्षमा आएकी थिईन् । ३७ हप्ता पार गरिसकेकोआफ्नो गर्भको शिशुलाई सुरक्षितपूर्वक जन्मदिनु नै हस्पिटल आउनुको उनको एकमात्र अभिप्राय थियो ।
शारिरीक रोगका हिसावले न तउनमा मधुमेह थियो, न त उच्च रक्तचाप, न त गम्भिर श्वास–प्रश्वास रोग, न त हाइपोथाइराडिजम् (थाइराइड ग्रन्थी कम सक्रिय भई कमथाइराइड हर्मोन उत्पादन गर्दा मोटोपन हुनसक्छ ।) नै । तर उनको तौल असाधारण (१६८ के.जी.) र शारिरीक बनावट हेर्दा लाग्थ्यो– उनको उपचार त कठिन थियो नै, साथ साथै गर्भाधान प्रक्रिया समेत जटिल हुनुपथ्र्यो । निजलाई हिजै अर्थात् असार ११ गते बिहान११ः०० बजे नर्भिककी बरिष्ठ प्रसूति तथा बाँझोपन, टेष्टट्युब बेबी विशेषज्ञ र ल्यापारोस्कोपिक सर्जन डा. नुतन शर्माले शल्यक्रिया गरीस्वस्थ शिशु प्रदान गरेकी थिइन् । श्रीमती हमालले २.९५ के.जी. तौल भएकी स्वस्थ छोरी पाएकी थिइन् ।
सामान्यतया यति ठूलो तौल र शारिरीक बनोट भएका महिलाको शल्यक्रियात्मक प्रसूति गराउनु आपैmमा कठिन प्रायः मानिन्छ रसम्भवत यस्तो असाधारण तौल भएकी महिलाको शल्यक्रियात्मक प्रसूति नेपालमै पहिलो हुनुपर्ने नर्भिकले जनाएको छ अस्पतालकाअनुसार हाल नवजात शिशु र आमा दुवै सामान्य अवस्थामा छन् । यस घटनाले एकातिर केवल मोटोपन मात्रै गर्भाधानको वाधकहुनसक्दैन भनेर प्रमाणित गर्दछ भने अर्को तर्फ जस्तोसुकै जटिलतालाई पनि प्रविधि र दक्षताले पार लगाउन सकिन्छ भन्ने पनि सिद्ध गर्दछ।
यस्ताखाले जटिल र जोखिमयुक्त प्रसूति गराउँदै सफलता प्राप्त गर्ने डा. नुतन शर्मालाई नर्भिक अस्पताल परिवारले बधाई ज्ञापन गरेकोछ भने नवजात शिशु र आमाको स्वास्थ्यलाभको कामना गरेको छ । डा. नुतन शर्मा जटिल र जोखिमयुक्त प्रसूति सेवाका अतिरिक्तबाँझोपन तथा टेष्टट्युब बेबीका लागि राम्रो ख्याति प्राप्त विशेषज्ञ हुन् ।
Source- reportsnepal
