सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
नेकपा माओवादी केन्द्रका अध्यक्ष प्रचण्डले केन्द्रीय समिति बैठकमा पेश गरेको राजनीतिक प्रतिवेदन सर्वसम्मतिले पारित भएको छ ।
यसअघि बैठकको पहिलो दिन प्रदेश अध्यक्ष र दोस्रो दिन केन्द्रीय सदस्यले अध्यक्षको प्रतिवेदनमाथि प्रश्न उठाएका थिए । आज जवाफ दिने क्रममा प्रचण्डको प्रतिवेदन सर्वसम्मतिले पारित भएको हो ।
अब बैठकमा पेश भएका विभिन्न एजेन्डामाथि छलफल हुने भएको छ । बैठक अहिले पनि जारी छ ।
माओवादीले अन्तर्घातीलाई कारबाही गर्ने
नेकपा माओवादी केन्द्रले बैशाख ३० गते सम्पन्न स्थानीय तह निर्वाचनमा भएको अन्तर्घातमाथि छानबिन गर्ने भएको छ ।
काठमाडौंमा जारी केन्द्रीय समितिमा बैठकमा अध्यक्ष पुष्पकमल दाहाल ‘प्रचण्ड’ले अनुशासन आयोगका अध्यक्ष टंक राईको नेतृत्वमा छानबिन समिति बनाउने प्रस्ताव राखेका छन् । उक्तसमितिले १५ दिनभित्र स्थायी समितिलाई प्रतिवेदन बुझाउने र त्यसका आधारमा कारबाही गर्ने उनले बताए ।
संघीय निर्वाचनमा हुन सक्ने थप क्षतिलाई रोक्न छानबिन समिति बनाइने अध्यक्ष प्रचण्डको भनाइ छ । दोषीमाथि विधानअनुसार निलम्बन र निष्काशनसम्मको कारबाही गरिने उनले बताए । मधेसका धेरै र पहाडका केही स्थानमा स्थानीय तह निर्वाचनमा अन्तर्घात देखिएकाले त्यसबारे छानबिन गर्ने उनले बताए ।
