सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
नेकपा समाजवादी पार्टीका अध्यक्ष माधव नेपालले नेकपाको संस्थापक महासचिव पुष्पलाल श्रेष्ठको शिक्षाबाट दीक्षित भएर नेकपा समाजवादी पार्टी निर्माण गरेको बताएका छन् ।
शनिबार पुष्पलालको ४४औं स्मृति दिवसको अवसरमा आयोजित श्रद्धाञ्जली कार्यक्रममा अध्यक्ष नेपालले भने, ‘अहिले हाम्रो काँधमा अनेक चुनौतिहरु छन् । आत्तिनुपर्ने कुनै कारण छैन ।
नेपालको इतिहासका पानाहरु निर्माण गरेका छौं । हामीले इतिहासमा कीर्तिमान कायम गरेका छौं । पुष्पलालको शिक्षा र दिक्षाबाट दीक्षित भएका हामीले नेकपा समाजवादी पार्टी क्रान्तिकारी पार्टी निर्माण गरेका छौं ।’
उनले पुष्पलाल अरुभन्दा भिन्न रुपमा प्रस्तुत भएर नै स्वच्छ समर्पित देश र जनताको निमित्त केन्द्रित भएको बताए । कसैले असम्भव ठानेको कुराहरुलाई आफूले सम्भव तुलाएको समेत उनले बताए ।
कीर्तिपुरको चम्पादेवी पुगेका अध्यक्ष नेपालले पुष्पलालको शालिकमा माल्यार्पण गरेका थिए ।
