शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
एजेन्सी । चीन र भारतीय सीमामा तैनाथ भारतीय सेनाले लाइन अफ कन्ट्रोल पार गरेको चीनले आरोप लगाएको छ । एलएसी पार गरेका भारतीय सेनाले चिनियाँ सेनामाथी चेतावनी स्वरुप गोली चलाएको पनि चिनियाँ सेनाले दावी गरेको छ ।
चीनको सरकारी मिडिया ग्लोबल टाइम्सले चिनियाँ सेनाका एक प्रवक्तालाई उद्धृत गर्दै स्थितीलाई स्थिर राख्नका लागि चिनियाँ सैनिकले बाध्य भएर जवाफी कारवाही गर्नुपरेको जानकारी दिएको छ ।
भारतीय समाचार एजेन्सी एएनआईले पनि एलएसीमाथि पूर्वी लद्दाखमा गोलीबारी भएको जनाएको छ ।
चिनियाँ सेनाका प्रवक्ता वरिष्ठ कर्नल जांग शियूलीले भने, ‘भारतीय सैनिकले भारत–चीन सीमाको पश्चिमी हिस्सामा एलएसी पार गरे र पंन्गोंग त्यो लेकको दक्षिणी किनारा नजिकै शेनपाओ पहाडको इलाकामा प्रवेश गरे ।’
उनका अनुसार भारतीय सेनाको यो कदमले दुबै पक्षबीच बनेको गम्भीर उल्लंघन भएको छ भने यसले त्यस क्षेत्रमा तनाव बढाएको छ ।
प्रवक्ता जांगले भने, ‘यस प्रकारको खतरनाक क्रियाकलाप गर्न तत्काल बन्द गर्न हामी भारतीय पक्षसँग माग गर्छौं । जुन सैनिकले एलएसी पार गरेका छन् उनीहरुलाई तुरुन्त फिर्ता बोलाइयोस्, सीमामा तैनाथ सैनिकलाई नियन्त्रणमा राखियोस्, यो विषयलाई गम्भीरताका साथ अनुसन्धान गरियोस् । जसले वार्निङ शट्स फायर गरेका छन् उनीहरुलाई सजाय दिइयोस् र अब उप्रान्त यस्ता घटना नदोहोरिने सुनिश्चित पनि गरियोस् ।’
चिनियाँ सेनाका प्रवक्ताले चिनियाँ सैनिकले जुनसुकै अवस्थामा पनि आफ्नो क्षेत्रीय सम्प्रभुताको रक्षा गर्ने बताएकाे बिबिसीले जनाएको छ ।
