- ट्रेण्डिङ :
नेपाली कांग्रेसका महामन्त्री डा.शशांक कोइरालालाई कोरोना भाइरसको संक्रमण भएको छ । ह्याम्स अस्पतालमार्फत संकलन गरिएको स्वाब परीक्षणका क्रममा कोइरालामा कोरोना पुष्टि भएको छ ।
सहयोगी भरत तिवारीले महामन्त्री डा.कोइरालालाई कोरोना पुष्टि भएको नागरिकखबरलाई जानकारी दिए । ज्वरो आएपछि कोरोनाको आशंकामा परीक्षण गरिएको थियो । उनको निवासमा कार्यरत र सुरक्षाकर्मीगरी १९ जनाको कोरोना परीक्षण गरिएको थियो ।
कोइरालाको स्वास्थ्य अवस्था सामान्य रहेको र अहिले ज्वरो पनि सामान्य रहेको तिवारीले बताएका छन् । कोइराला घरमै आइसोलेसनमा बसेका छन् ।
