- ट्रेण्डिङ :
एजेन्सी । चीनका राष्ट्रपति सि जिनपिङले देशका चार जना व्यक्तिलाई उच्च सम्मान दिएका छन् । उनीहरुलाई देशका लागि कोरोनाविरुद्ध लडेको र कोरोना भाइरसविरुद्ध खाेप बनाएको भन्दै उच्च सम्मान दिइएको हो ।
चीनमा उनीहरुलाई हिरोको दर्जा दिइएको छ । झोङ्ग नानशान, झाङ्ग बोली, झाँङ्ग डिङ्ग्यु र चेन वीलाई सम्मान गरिएको हो । चिनियाँ राष्ट्रपति जिनपिङले उनीहरु चारै जनालाई देशको तर्फबाट भन्यवाद दिँदै उनीहरुका कारण देशको नाम चम्किएको बताएका चिनियाँ सञ्चार माध्यमले उल्लेख गरेका छन् ।
राष्ट्रपति जिनपिङले चीनको सबैभन्दा उच्च सम्मान मेडल अफ रिपब्लिक श्वास सम्बन्धी रोगका प्रसिद्ध डाक्टर झोङ्ग नानशानलाई दिए । यो सम्मान पहिलोपटक गतवर्ष नागरिकलाई दिइएको थियो । डा. नानशान चाइनिज एकेडेमी अफ इन्जिनियरिङका सदस्य हुन् ।
मिलिट्री मेडिकल एक्पर्ट तथा आर्मी जनरल चेन वीलाई कोभिड १९ को भ्याक्सिन बनाएकोमा सम्मान दिइएको छ । उनी वुहानस्थित प्रयोगशालामा लकडाउन अवधिभर कार्यरत रहेकी थिइन् । उनी चीनको जैनिक हतियारवाला सबै सोधमा सामेल हुँदै आएकी छन् ।
यस्तै झाङ्ग बोलीलाई पनि सम्मा गरिएको छ । उनी पारम्परिक चिनियाँ औषधि विज्ञ हुन् । उनले कोरोना भाइरसको स्थानीय तरिकाबाट औषधि बनाएका थिए ।
अर्का सम्मानित व्यक्ति हुन् । वुहानको संक्रामक रोग अस्पतालका निर्देशक झाङ्ग डिङ्ग्यु । उनलाई वुहानमा कोरोना भाइरससँग लडेकाले सम्मान गरिएको हो । उनको नेतृत्वमा वुहानमा कोरोना नियन्त्रण भएको थियो ।
