सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
नेपाल कम्युनिष्ट पार्टी (एकीकृत समाजवादी)का अध्यक्ष माधव कुमार नेपाललाई कोरोना संक्रमण भएको छ ।
उनको स्वास्थ्य अवस्था सामान्य रहेको र घरमै आराम गरिरहेको सचिवालयले जनाएको छ ।
अध्यक्ष नेपाल बिहीबार विहान पार्टीको स्कुल विभागले पार्टी कार्यालयमा आयोजना गरेको प्रशिक्षण कार्यक्रममा सहभागी भएका थिए ।
असहज महसुस गरेपछि उनले पिसिआर परीक्षण गराएकोमा कोरोना पोजेटिभ देखिएको हो ।
पार्टीभित्र व्यक्तिवादी स्वार्थ देखियो
अध्यक्ष माधवकुमार नेपालले पद र पैसाका निम्ति आफ्नो पार्टीभित्र पनि व्यक्तिवादी स्वार्थ देखिन थालेको गुनासो गरेका छन् ।
बिहीबार पार्टी कार्यालय तीनकुनेमा आयोजित कार्यक्रममा बोल्दै अध्यक्ष नेपालले पद नपाए गुटबन्दी गर्ने र स्वार्थका निम्ति जे पनि गर्ने प्रबृति आफ्नो पार्टीका साथै नेपालका कम्युनिष्ट आन्दोलनभित्र देखिएको बताएका हुन् ।
‘म’बाट सुरु गर्ने प्रवृति व्याप्त गरेको र ‘म’ले पाइन भने जस्तोसुकै कुकर्म गर्न पनि तयार हुने प्रवृतिलाई अन्त्य गरेरै छाड्नुपर्ने उनको भनाइ छ । सिद्धान्त र आदर्शप्रति समर्पित हुने भावना राख्नुपर्ने र ‘म’ भन्दा भिन्न सोच राख्ने कुरामा अघि बढ्नुपर्ने उनको धारणा रहेको छ ।
अध्यक्ष नेपालले जनताका समस्याहरुलाई बुझ्ने गरि पार्टीको असल कार्यकर्ता भएर भूमिका निर्वाह गर्न निर्देशन दिए । कार्यक्रममा पार्टीको प्रशिक्षणमा सहभागीहरुलाई प्रमाणपत्र बितरण गरिएको थियो ।
