स्थायी कमिटी बैठक

स्थायी कमिटी बैठक : प्रचण्डलाई कार्यकारी अध्यक्ष ,चैत २५ देखि ३० गतेसम्म महाधिवेशन

आश बहादुर गुरुङ्ग

भाद्र २६, २०७७ शुक्रवार • १६:४७:१५ बजे

1.3K

स्थायी कमिटी बैठक : प्रचण्डलाई कार्यकारी अध्यक्ष ,चैत २५ देखि ३० गतेसम्म महाधिवेशन

काठमाडौं – सत्तारुढ नेपाल कम्युनिस्ट पार्टी (नेकपा)ले मिलेनियम च्यालेन्ज कर्पोरेसन (एमसीसी)लाई संशोधन र परिमार्जन गरेर अनुमोदन गर्ने निर्णय गरेको छ ।

के संशोधन र परिमार्जन गर्ने भन्ने विषयमा वरिष्ठ नेता झलनाथ खनाल नेतृत्वको समितिको सुझावका आधारमा काम हुने प्रवक्ता श्रेष्ठले जानकारी दिए ।

यसै गरी नेकपाको एकता महाधिवेशन चैतमा हुने भएको छ । स्थायी कमिटी बैठकले २०७७ चैत २५ देखि ३० गतेसम्म महाधिवेशन गर्ने निर्णय गरेको हो ।

प्रधानमन्त्रीसमेत रहेका पार्टी अध्यक्ष केपी ओलीले बिहीबारको बैठकको प्रारम्भमै धारणा राखेका थिए । ओलीले देशी र विदेशी शक्तिले पार्टी फुटाउन चाहेको तर त्यसलाई आफूहरुले असफल पारेको प्रष्ट पारेका थिए ।

निर्णयका मुख्य बुँदा
–पार्टी एकताको ऐतिहासिक महत्वलाई आत्मसाथ गर्दै पार्टीलाई अझ बढी सुदृढ गरेर अगाडि बढाउने संकल्प,
–पार्टीलाई विधि र पद्धतिमा सञ्चालन गर्ने कुरामा दृढतापूर्वक अगाडि बढ्ने र विगतमा भएका निर्णय कार्यान्यन गर्ने निर्णय।
‘अध्यक्षको कार्यविभाजन केपी शर्मा ओलीले सरकारको प्रभावकारी सञ्चालन गर्ने र अध्यक्ष पुष्पकमल दाहाल ‘प्रचण्ड’ले कार्यकारी अधिकारसहित पार्टीका कामको नेतृत्व गर्नेगरी कार्यविभाजन,
–सरकारका दैनिक काममा पार्टीले हस्तक्षेप नगर्ने तर राष्ट्रिय महत्वका निर्णय लिनुपर्दा पार्टीको मार्ग निर्देशनलाई ध्यानमा राखेर काम गर्ने,