सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
सरकारले निलम्बित प्रधानन्यायाधीश चोलेन्द्र शम्शेर जबराको सुरक्षामा खटिएका सुरक्षाकर्मी खोसेको छ ।
प्रहरी प्रधान कार्यालयले अगुवा र पछुवा गाडीसहितका सुरक्षाकर्मी फिर्ता गर्ने निर्णय गरेसँगै जबराका सुरक्षाकर्मी खोसिएका हुन् । स्रोतका अनुसार सरकारले प्रहरी महानिरीक्षक धिरज प्रताप सिंहलाई जबराका सुरक्षाकर्मी फिर्ता बोलाउन निर्देशन दिएको थियो ।
जबराविरुद्ध महाभियोग दर्ता भएसँगै उनको सुरक्षामा प्रहरी नायब निरीक्षकको कमान्डमा ९ जना सुरक्षाकर्मी खटाइएको थियो ।
प्रहरीले गाडीसहितका सुरक्षा अधिकारीलाई फिर्ता बोलाएको हो । प्रहरीले स्कर्टिङमा खटिने प्रहरी टोलीलाई पनि प्रधान कार्यालय फिर्ता बोलाएको छ ।
त्यसैगरी, औपचारिक समारोहमा प्रयोग हुने ‘भीभीआईपी’ कार र अगुवा–पछुवाका रुपमा प्रयोग हुने जीप पनि खोसिएको छ । प्रहरीले बजराको निवासका सुरक्षा सतर्कता बढाएको छ ।
महाभियोग टुङ्गो नलाग्दै नियमित कामका लागि सर्वोच्च अदालत जान लागेपछि सरकारकै निर्देशनमा प्रहरीले जबरालाई निवासमै नजरबन्द बनाएको छ ।
सरकारले जबरालाई नजरबन्दमा राखिएकोबारे केही नबोले पनि चाेलेन्द्रको निवास पुगेको राष्ट्रिय मानवअधिकार आयोगको टालीले जबरालाई नजरबन्दमा राखिएको पुष्टि गरेको छ ।
