सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
नेकपा एमाले परित्या गरेका नेता घनश्याम भुसाललाई माओवादी केन्द्रले रुपन्देही- १ बाट निर्वाचन लड्न प्रस्ताव गरेको छ ।
एमाले अध्यक्ष केपी ओलीले रुपन्देही-३ मा राप्रपालाई सघाउने निर्णय गरेपछि घनश्यामले एमाले परित्याग गरेका हुन् ।
माओवादीले गठबन्धनमा आफ्नो भागमा परेको सो क्षेत्रमा भुसाल निर्वाचन लड्न आए गठबन्धनले अर्को उम्मेद्वार नउठाउने भएको छ । तर भुसालले भने यस विषयमा कुनै निर्णय भने गरेका छैनन् ।
एमालेले राप्रपासँग तीन सिटका लागि राप्रपासँग तालमेल गरेको छ । रुपन्देही-३ मा राप्रपा नेता दीपक बोहरालाई एमालेले सघाउने निर्णय गरेको छ । अघिल्लो निर्वाचनमा घनश्यामले बोहरलाई ५ हजारभन्दा बढी मतले हराएका थिए ।
अष्टलक्ष्मी शाक्यद्वारा एमालेको टिकट अस्वीकार
आगामी मंसिर चार गते हुने प्रतिनिधिसभा निर्वाचनमा नेकपा एमालेका उपाध्यक्ष अष्टलक्ष्मी शाक्यले पार्टीको टिकट अस्वीकार गरेका छन् ।
एमालेबाट काठमाडौं-८ मा उम्मदेवार सिफारिस शाक्यले पार्टी अध्यक्ष केपी ओलीलाई विकल्प खोज्न आग्रह गरेका छन् । शनिबार टेलिफोनमार्फत शाक्यले आफू संसदीय निर्वाचनबाट अलग्गिने घोषणा गरिसकेकाले विकल्प खोज्न ओलीलाई भनेका हुन् ।
शाक्यले भने- ‘ मैंले अब संसदीय राजनीतिबाट बिदा लिन्छु भनेको छु, विकल्प खोज्न पनि आग्रह गरेको छु ।’ एमालेले शाक्यलाई काठमाडौं-८ बाट प्रतिनिधिसभा सदस्य बनाउने निर्णय गरेको छ ।
नयाँलाई अवसर दिनुपर्छ भनेर आफू यो निर्वाचनमा उठ्ने बताए । उनले भने, ‘एउटै व्यक्तिले कति चुनाव लड्ने, कतिपटक मन्त्री र प्रधानमन्त्री हुने ? ‘जनता दिक्क भइसके । अब नयाँलाई अवसर दिनुपर्छ, अवसर नपाएकालाई अवसर दिइनु राम्रो हो ।’
शाक्यले उठ्ने रहर नभएकाले जबर्जस्ती राखेर मन भएका र जित्ने सम्भावना रहेकालाई १० बुँदेको नाममा फरक व्यवहार नगर्न पनि उनले ओलीलाई अनुरोध गरे ।
शाक्यले सुनाए– ‘उठ्दिनँ भन्नेलाई तपाईं उठ्न प्रेरित गर्ने र जित्ने सम्भावना भएकाहरूलाई १० बुँदेको नाममा फरक व्यवहार गर्ने कुरा ठीक भएन । यसले गलत सन्देश जान्छ । भीम रावल, घनश्याम भुसाल, सुरेन्द्र पाण्डे, भीम आचार्यहरूलाई समेट्न भनेँ ।’
