सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
चितवन क्षेत्र नम्वर तीनमा नेकपा एमालले प्रतिनिधिसभा सदस्यमा उम्मेदवारी दिएका राम प्रसाद न्यौपानेको उम्मेदवारी फिर्ता लिएको छ ।
नेपाली कांग्रेसबाट स्वतन्त्र उम्मेदवारी दिएका केन्द्रीय सदस्य दिनेश कोइरालालाई समर्थन गर्ने गरि नेकपा एमालेले न्यौपानेको उम्मेदवारी फिर्ता लिएको हो ।
एमाले नेता न्यौपानेको उम्मेदवारी फिर्तासँगै कोइरालाले एमाले मात्र नभई अन्य पार्टीका नेता र स्वतन्त्र उम्मेदवारहरुले पनि समर्थन गर्ने दावी गरेका छन् ।
कोइरालाले अन्य दलका नेता, स्वतन्त्र उम्मेदवारी दिएका जगन्नाथ पौडेलको पनि समर्थन मिल्नेमा ढुक्क रहेको बताएका छन् । कोइराल यसअघिको निर्वाचनमा चितवन क्षेत्र नं.३ (क)बाट पराजित भएका थिए ।
उनी त्यसअघिको स्थानीय निर्वाचनमा भरतपुरको मेयरमा उम्मेदवारी दिएर पनि पछि फिर्ता गर्नुपरेको थियो ।
चितवन तीनमा अब कोइरालासँगै गठबन्धनको तर्फबाट नेकपा माओबादी केन्द्रका डाक्टर भोजराज अधिकारी, राप्रापाका उपाध्यक्ष बिक्रम पाण्डे, स्वतन्त्र उम्मेदवार जगन्नाथ पौडेल बिच रोचक प्रतिस्प्रधा हुने देखिन्छ ।
