- ट्रेण्डिङ :
नेपालमा कोरोना भाइरस संक्रमितको संख्या १२ हजार नाघेको छ । स्वास्थ्य तथा जनसंख्या मन्त्रालयले पछिल्लो २४ घन्टामा थप ५ सय ५४ जनामा कोरोना संक्रमण भएको जनाएको छ ।
नियमित पत्रकार सम्मेलनमा मन्त्रालयका प्रवक्ता डा. जागेश्वर गौतमले विभिन्न जिल्लामा थप ५ सय ५४ जनामा कोरोना संक्रमण भएको जानकारी दिए । उनका अनुसार अब देशभर संक्रमितको संख्या १२ हजार ३ सय ९ पुगेको छ ।
संक्रमितमध्ये २ हजार ८ सय ३४ जना उपचारपछि घर फर्किएका छन् भने २८ जनाको ज्यान गएको छ ।
बाजुरामा ८६, डोटीमा ७१, प्युठानका ४९, रौतहटका ३४, दाङका ३१, महोत्तरीका ३०, पाल्पाका २६, बैतडीका २४, स्याङजाका २१, अर्घाखाँचीका १८, कैलालीका १४ तथा अछाममा १३, सल्यानमा १३ र कपिलवस्तुका ९ जनामा कोरोना संक्रमण भएको छ ।
त्यस्तै रसुवामा ९ जना, बझाङ, डडेलधुरा, बाग्लुङ, रुपन्देही र बाराका ८-८ जना, सुर्खेत, उदयपुर र गुल्मीका ७-७ जना, सर्लाही र नुवाकोटमा ६-६ जना, इलाम, स्याङ्जा, कञ्चनपुर र बर्दियामा ५-५ जना, बारामा ४ जना, धनुषा र धादिङका ३-३ जना, पर्सा, मोरङ, डोटी, नवलपुर, बाँके, चितवन र मकवापुरका २-२ जना, जाजरकोट, पर्सा, पाँचथर र रोल्पाका १-१ जनामा संक्रमण देखिएको छ ।
