आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
सुनसरी क्षेत्र नम्बर १ मा एमाले–जसपा गठबन्धनले क्लिनस्वीप गरेको छ । सोमबार बिहान सकिएको मतगणनाअनुसार प्रतिनिधिसभामा जसपा र प्रदेशसभा क र ख दुबैमा एमाले उम्मेदवार विजयी भएका हुन् ।
एमालेको समर्थनमा जसपाका नेता अशोक राईले प्रत्यक्षमा निर्वाचन जित्दा प्रदेशका दुवै सीटमा एमाले उम्मेदवार विजयी बनेका हुन् ।
यसपटक सुनसरी १ (१) मा एमालेका रमेश बस्नेत विजयी भए । उनले नेपाली कांग्रेसका प्रदेश महामन्त्री उमेश थापालाई पराजित गरे । बस्नेतले १११०२ मत ल्याउँदा थापाले ९७५२ पाए ।
यी दुईजना ससुराज्वाइँसमेत हुन् । प्रदेश सभा १ (२) मा एमालेका विजय राई निर्वाचित भएका छन् । उनले १२५६५ मत ल्याउँदा निकटतम प्रतिद्धन्दी राप्रपाका अनिश ढकालले ७४८२ मत ल्याए ।
कांग्रेसका बागी रोहित सुब्बा ६८३९ मत पाएर तेस्रो बने । सत्ता गठबन्धनबाट उम्मेदवार बनेका नेकपा एसका रेवतीरमण राईले ४९८८ मत पाए । रेवती र विजयबीच पनि पारिवारिक नाता छ ।
२०७४ मा सुनसरीमा सुनसरीको प्रतिनिधिसभा र प्रदेशसभाका दुवै गरी तीनवटै सीटमा जितेर एमालेले क्लिनस्वीप गरेको थियो ।
त्यसताका एमालेका जयकुमार राईले ४४ हजार मत ल्याएर जितेका थिए भने अशोकले करिब आधा २२ हजार ल्याएका थिए ।प्रदेशसभा क्षेत्र १ बाट प्रदीप भण्डारी र २ बाट भीम आचार्य विजयी भएका थिए ।
