आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
जनता समाजवादी पार्टी (जसपा) र नेकपा एकीकृत समाजवादीबीच एकताका लागि एकअर्काको दस्तावेज अध्ययन गर्ने क्रम सुरु भएको छ ।
एकताका लागि दुबै दलले बनाएको वार्ता समितिको शुक्रबार सम्पन्न बैठकले दस्तावेज अध्ययनका लागि समितिसमते बनाएको छ । वर्तामा समितिमा जसपाका गोविन्द चौधरी र एकीकृत समाजवादीका डा. विजय पौडेल सदस्य रहेका छन् ।
उनीहरुले पार्टीका दस्तावेज खोज्ने र अध्ययन गर्ने काम सुरु गरेका छन् । दस्तावेज अध्ययन कार्यदलले दुबै पार्टीबीचका समानता र असमानता पहिल्याइ आगामी बैठकमा पेस गर्ने जिम्मेजारी पाएको छ ।
कार्यदलले पहिल्याएका समान धारणाहरुमा सहकार्य गर्दै जाने र असमान धारणाहरु हल गर्दै जाने वार्ता समितिको बैठकले निर्णय गरेको वार्ता समिति तथा दस्तावेज अध्ययन समितिका सदस्यसमेत रहेका नेकपा एकीकृत समाजवादीका उपमहासचिव डा. विजय पौडेलले जानकारी दिए ।
