आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
राष्ट्रिय स्वतन्त्र पार्टीले पुष्पकमल दाहाल ‘प्रचण्ड’ नेतृत्वको सरकारबाट बाहिरिने निर्णय गरेको छ ।
आइतबार बसेको पार्टीको बैठकले सरकारबाट बाहिरिने निर्णय गरेको सभापति रवि लामिछानेले जानकारी दिए । बैठकपछि पत्रकार सम्मलेन गर्दै सभापति लामिछानेले सरकारबाट बाहिरिने निर्णय गरेको र पार्टीका मन्त्रीलाई फिर्ता बोलाउने निर्णय गरेको जानकारी दिए ।
उनका अनुसार आजै नै रास्वपाबाट मन्त्री बनेकाहरुले प्रधानमन्त्री प्रचण्डलाई राजिनामा बुझाउने सभापति लामिछानेले जानकारी दिए ।
सरकारबाट बाहिरिने निर्णय गरेको रास्वपाले सरकारदाई दिएको समर्थन भने यथावत रहेको सभापति लामिछानेले जानकारी दिएका छन् ।
रास्वपाका मन्त्रीहरुले आजै राजीनामा दिने
राष्ट्रिय स्वतन्त्र पार्टी (रास्वपा)बाट सरकारमा सहभागी मन्त्रीहरुले आज प्रधानमन्त्री पुष्पकमल दाहाल ‘प्रचण्ड’ समक्ष राजीनामा दिने भएका छन् ।
आज सम्पन्न रास्वपाको केन्द्रीय सदस्य र संसादहरुको संयुक्त बैठकले सरकारबाट बाहिरिने निर्णय गरेसँगै रास्वपाका मन्त्रीहरुले राजीनामा दिने भएका हुन् ।
बैठकपछि पत्रकार सम्मेलन गर्दै सभापति रवि लामिछानेले सरकारबाट बाहिरिने निर्णय भएसँगै मन्त्रीहरुले आजै राजीनामा दिने बताएका हुन् ।
हाल सरकारमा रास्वपाका शिशिर खनाल शिक्षा, विज्ञान तथा प्रविधिमन्त्री, डोलप्रसाद अर्याल श्रम, रोजगार तथा सामाजिक सुरक्षामन्त्री र डा. तोसिमा कार्की स्वास्थ्य तथा जनसङ्ख्यामन्त्री रहेका छन् ।
यसअघि उपप्रधान तथा गृहमन्त्री रहेका सभापति लामिछानेको नागरिकता अवैध ठहर भएसँगै उनको संसद पद खारेज भएको थियो । सांसद पद खारेज भएसँगै उनको मन्त्री पद गुमेको थियो ।
राष्ट्रिय स्वतन्त्र पार्टी (रास्वपा)ले सरकारबाट हट्ने निर्णय गरेको छ । तर, रास्वपाले सरकारलाई दिएको समर्थन भने कायम राख्ने सभापति रवि लामिछानेले बताएका छन् ।
उनले आफ्ना मन्त्रीहरुले आजै राजीनामा दिने समेत बताएका छन् । गृहमन्त्रालय सहित सरकारमा फिर्ता हुने लामिछानेको प्रयास असफल भएपछि यस्तो निर्णय लिइएको हो ।
यद्यपि, लामिछानेले बाहिर देखिएजस्तो नभएको बताएका छन् । खुलस्त पार्ने भन्दै पत्रकार सम्मेलन गरिरहेका छन् ।
