शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
यातायात मजदुरले भोलिदेखि काठमाडौं उपत्यकाभित्र सार्वजनिक यातायात नचलाउने घोषणा गरेका छन्।
नेपाल यातायात स्वतन्त्र मजदुर संगठन, नेपाल यातायात मजदुर संघ र अखिल नेपाल यातायात मजदुर संघले संयुक्त रूपमा विज्ञप्ति जारी गर्दै गाडी नचलाउने घोषणा गरेका हुन् ।
नयाँ बसपार्कको ल्होत्से कम्पनीले गुण्डागर्दी गरेको भन्दै सडकमा उत्रिनुपरेको मजदुरहरूले बताएका छन् । आज उनीहरुले बालाजुमा सडकमै गाडी तेर्स्याएर प्रदर्शन गरेका छन् ।
आन्दोलनरत बालाजु क्षेत्रका यातायात मजदुरले प्रहरीको भ्यानमा आगजनीसमेत गरेका छन् । आक्रोशित आन्दोलनकारीले प्रहरीको दुई वटा गाडी जलाएका छन् ।
