शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीबीच भेटवार्ता भएको छ ।
अध्यक्ष ओलीले बिहीबार बिहान प्रधानमन्त्री निवास बालुवाटार पुगेर प्रचण्डसँग् भेटवार्ता गरेका हुन् । उनीहरूबीच राष्ट्रपतिका उम्मेदवार लगायत समसामयिक राजनीतिक विषयमा छलफल भएको प्रधानमन्त्रीको सचिवालयले जनाएको छ ।
राष्ट्रपति निर्वाचनको मिति नजिकिँदै गर्दा पछिल्लो समय यी दुई नेताबीचको भेटवार्ता बाक्लिएको छ । नेकपा माओवादी केन्द्रले राष्ट्रपति एमालेबाहेकबाट बनाउने नीति लिएको छ ।
यता एमाले भने पूर्व सहमतिअनुसार आफ्नो पार्टीको उम्मेदवार नै राष्ट्रपति बनाउनुपर्ने अडानमा छ । माओवादीले कांग्रेसलाई राष्ट्रपतिमा सघाउने चर्चा चलिरहेका बेला ओली प्रचण्डलाई भेट्न बालुवाटार पुगेका हुन् ।
यसअघि प्रचण्ड ओली निवास बालकोट पुगेरै भेटघाट गरेका थिए ।
