आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
नेपालका लागि चिनियाँ राजदूत छन् सोङ्ले प्रधानमन्त्री पुष्पकमल दाहाल प्रचण्डसँग भेटवार्ता गरेका छन् ।
बुधबार बिहान बालुवाटार पुगेर राजदूत सोङले प्रधानमन्त्रीसँग भेटवार्ता गरेका हुन् । राष्ट्रपति उम्मेदवारका विषयमा दलहरुबीच खिचातानी भइरहेका बेला राजदूत सोङ बालुवाटार पुगेका हुन् ।
भेटमा राजदूत सोङले राष्ट्रपति को बन्ने भन्नेबारेमा जिज्ञासा राखेको स्रोतले बतायो । जवाफमा प्रचण्डले दलहरुबीच छलफल जारी रहेकाले सहमतिमा राष्ट्रपति चयन हुने जानकारी गराएका थिए ।
राजदूत सोङले एमाले अध्यक्ष केपी ओली र कांग्रेस सभापति शेरबहादुर देउवासँग पनि हालै भेट गरेका थिए । भारतीय विदेश सचिव विनयमोहन क्वात्राले पनि हालै नेपालको भ्रमण गरेर राष्ट्रपति निर्वाचनबारे चासो राखेका थिए ।
फागुन २५ गते हुने राष्ट्रपति निर्वाचनका लागि फागुन १३ गते मनोनयन दर्ताको मिति तोकिएको छ ।
