आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
प्रधानमन्त्री पुष्पकमल दाहाल प्रचण्डले पुस १० गते भंग भएको पाँच दलीय गठबन्धन ब्युँताउनेबारे अहिले कुनै टुंगो भइनसकेको बताएका छन् ।
सिंहदरबारमा नेकपा एकीकृत समाजवादी पार्टीका अध्यक्ष माधवकुमार नेपालसँगको संवादपछि उनले यस्तो बताएका हुन् । नेपालसँगको संवादपछि निस्किने क्रममा पत्रकारले सोधेका थिए- ‘पुरानो गठबन्धन ब्युँताउने निर्णय भइसकेको हो ?’
जवफमा प्रचण्डले भने– ‘होइन अहिले फाइनल भइसकेको छैन ।’ उनले राष्ट्रपतिको उम्मेदवारबारे पनि अहिले नै केही टुंगो नलागिसकेको बताए ।
उनले भने, ‘१३ गतेसम्म टुंगिजान्छ अहिले कुरा भइरहेको छ, टुंगिएको छैन ।’ उक्त भेटघाटमा माओवादीबाट प्रचण्ड र नारायणकाजी श्रेष्ठ, एकीकृत समाजवादीबाट माधव नेपाल र घनश्याम भूसाल सहभागी थिए ।
