- ट्रेण्डिङ :
भारतको राजधानी नयाँ दिल्लीमा जासुसीको आरोपमा एक नेपाली नागरिकलाई दिल्ली पुलिसले पक्रेको छ । स्वतन्त्र पत्रकार राजीव शर्मासहित एक नेपाली नागरिक र एक चिनियाँ नागरिकलाई पक्राउ गरिएको दिल्ली पुलिसले जनाएको छ ।
नेपाली नागरिकलाई जासुसको आरोप लगाएर पक्राउ गरे पनि नेपाली दूतावास र नेपाल सरकारले अहिलेसम्म कुनै पनि कुटनीतिक पहल गर्न सकेको छैन । भारतले जासुसीको आरोप लगाए पनि प्रमाण भने सार्वजनिक गर्न सकेको छैन ।
नेपाली नागरिकको पहिचान गोप्य राखिएको छ । दिल्ली पुलिसले वरिष्ठ पत्रकार राजीव शर्माको खातामा मोटो रकम आएकाले उनले जासुसी गरेको आरोप लगाएको छ ।
नयाँ दिल्लीको पितमपुराबाट तीन जनालाई पक्राउ गरिएको छ । समाचार एजेन्सी पिटिआइले चिनियाँ खुफिया एजेन्सीका लागि जासुसी गरेको आरोप पत्रकार शर्मासहित ३ जनालाई लगाइएको छ ।
