आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
नेकपा एमालेले राष्ट्रपतिका उम्मेदवार सुवास नेम्वाङको पक्षमा मतदान गर्न नेकपा एकीकृत समाजवादीका अध्यक्ष माधव नेपाललाई आग्रह गरेको छ ।
बिहीबार आलोकनगरस्थित एकीकृत समाजवादीको पार्टी कार्यालय पुगेर नेम्वाङसहितका नेताहरुले राष्ट्रपति निर्वाचनका लागि भोट मागेका हुन् ।
नेम्वाङको पक्षमा मत मागेर फर्केपछि पत्रकारहरुसँग कुरा गर्दै एमालेका उपमहासचिव पृथ्वीसुब्बा गुरुङले शीर्ष नेताहरूसँग भेटवार्ता सकारात्मक भएको प्रतिक्रिया दिए । ‘हामीले सुवास नेम्वाङलाई भोट हाल्न अनुरोध गरेका छौँ ।
अहिलेको चुनौतीको बीचमा दुई पार्टीलाई एक गर्ने कुरामा हामीबीच एक खालको सहमति भएको छ । यही अवसरलाई समातेर हामी फेरि पनि भेटघाट र छलफल अगाडि बढाउने दुई पक्षबीच साझा सहमति भएको छ,’ उनले भने ।
नेता गुरुङले राष्ट्रपति निर्वाचनका विषयले पार्टी एकताको सम्भावना पनि अगाडि बढ्न सक्ने सम्भावना रहेको बताए । उनले भने, ‘समय बलवान छ समयको शक्तिले हामीबीचको आग्रह पूर्वाग्रह, रिस राग सबैलाई छोपेर अगाडि बढ्ने बाटो भेटेको छौँ । वार्ता सकारात्मक छ।’
