- ट्रेण्डिङ :
विश्वभर महामारीको रुपमा फैलिएको कोरोना भाइरसबाट संक्रमित हुनेको संख्या १ करोड नाघेको छ । पछिल्लो २४ घण्टामा १ लाख ७६ हजारबढी संक्रमित भएसँगै कोरोनाबाट हालसम्म १ करोड ८० हजार २२४ जना संक्रमित भएका छन् । यस्तै कोरोनाबाट मृत्यु हुनेको ५ लाख नाघेको छ । यस भाइरसबाट ५ लाख १ हजार २६२ जनाले ज्यान गुमाइसकेका छन् ।
५४ लाख ५७ हजार ९४५ संक्रमितले यस भाइरसलाई जितेर अस्पतालबाट डिस्चार्ज भएको तथ्यांक संकलक वल्र्डवमिटरडटकमले जनाएको छ । निको र मृत्यु हुनेबाहेक अहिले सक्रिय संक्रमितको संख्या ४१ लाख २१ हजार १७ रहेको छ । तीमध्ये ५७ हजार ७ सय ४८ जना गम्भीर बिरामी रहेका छन् ।
कोरोनाभाइरसबाट सबैभन्दा बढी अमेरिका प्रभावित बनेको छ । त्यहाँ कोरोना संक्रमितको संख्या २५ लाख ९६ हजार ५३७ पुगेको छ भने मृत्यु हुनेको संख्या १ लाख २८ हजार १५२ पुगेको छ । १० लाख ८१ हजार ४३७ जना निको भएर घर फर्केका छन् भने १५ हजार ८१६ जना गम्भिर अवस्थामा रहेका छन् ।
अमेरिका पछि सबैभन्दा बढी ब्राजिलमा कोरोना भाइरस फैलिएको छ । त्यहाँ संक्रमितको संख्या १३ लाख १५ हजार ९४१ पुगेका छ भने मृत्यु हुनेको संख्या ५७ हजार १०३ रहेको छ ।
