- ट्रेण्डिङ :
आज पेरिसडाँडामा बस्ने भनिएको नेपाल कम्युनिष्ट पार्टी (नेकपा)को सचिवालय बैठक स्थगित भएको छ । थप गृहकार्य गरेर बस्ने भन्दै अध्यक्षद्वय केपी शर्मा ओली र पुष्पकमल दाहाल 'प्रचण्ड'ले बैठक स्थगित गरेका हुन् ।
हिजो बसेको सचिवालय बैठकमा मन्त्रिमण्डल पुनर्गठनमा छलफल भएको थियो । भोलिसम्म अध्यक्षद्वयबीच बैठकका अन्य एजेण्डामा पनि गृहकार्य गर्ने तयारी छ । त्यसका लागि आज पनि अध्यक्षद्वयबीच भेटवार्ता हुनेछ ।
एक सचिवालय सदस्यका अनुसार बैठक भोलि दिउँसो १२:३० बजे प्रधानमन्त्री निवास बालुवाटारमा बस्नेछ ।
नेकपा प्रवक्ता नारायणकाजी श्रेष्ठ "प्रकाश"ले भने तयारी नपुगेकाले भोलि बस्नेगरी आजको बैठक स्थगित गरिएको जानकारी दिए ।
