शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
नेकपा माओवादी केन्द्रका उपमहासचिव एवं संगठन विभाग प्रमुख जनार्दन शर्मा ‘प्रभाकर’ले अबको केही दिनभित्रै समाजवादी मोर्चाको घोषणा हुने बताएका छन् ।
बिहीबार माओवादी केन्द्र कर्णाली प्रदेशको संगठन विभागको कार्यक्रममा बोल्दै शर्माले समाजवादी मोर्चाको घोषणा गर्नका लागि आन्तरिक रूपमा तयारी तीव्र छलफल भइरहेको बताएका हुन् ।
शर्माले तीन दलहरुकाबीच समाजवादी मोर्चा भन्न लागेको जानकारी दिए । तर, उनले कुन–कुन दलहरुबीच समाजवादी मोर्चा भन्दै छ त्यो भने खुलाएनन् । यस्तै शर्माले माओवादी कार्यकर्तालाई उत्पादनमा जोडिन आग्रह गरे ।
उनले भने,‘ माओवादीले सामाजिक, सांस्कृतिक अभियानलाई अगाडि बढाउनुपर्ने छ । त्यसका विविध खालका कुराहरू आउँछन् । यो अभियानलाई सार्थकता तुल्याउने गरी अघि बढ्नु आजको आवश्यकता हो ।
यही नै समाजवादी यात्राको जग हो ।’ शर्माले माओवादीलाई अब नयाँ तरिकाले अगाडि बढाउनुपर्ने बताए । यस्तै उनले प्रदेश सरकारको हकमा केन्द्रीय गठबन्धनले निर्णय गर्ने र अबको केही दिनमै निकास पाउने बताए ।
