- ट्रेण्डिङ :
नेकपा (माओवादी केन्द्र) निकट नेपाल दलित मुक्ति मोर्चाको छैटौ राष्ट्रिय सम्मेलनबाट केन्द्रीय उपाध्यक्ष पदमा म्याग्दीका टेक बहादुर बिश्वकर्मा निर्वाचित भएका छन ।
नेकपा (माओवादी केन्द्र) गण्डकी प्रदेशको सह–सचिब तथा नेपाल दलित मुक्ति मोर्चाका गण्डकी प्रदेश इन्चार्ज समेत रहेका म्याग्दीका टेक बहादुर बिश्वकर्मा केन्द्रीय उपाध्यक्ष पदमा सर्वसम्मत निर्वाचित भएका हुन । जनयुद्ध देखि नै सक्रिय राजनीतिमा लागेका टेकबहादुर विश्वकर्मा गण्डकी प्रदेशमा दलित समुदायको लोकप्रिय नेता मानिन्छन् ।
काठमाडौंमा वैशाख २३ गते देखि सुरु भएको नेपाल दलित मुक्ति मोर्चाको छैटौ राष्ट्रिय सम्मेलन 'छुवाछूत तथा विभेदको अन्त्य समाजवादका लागि दलित आन्दोलन र संविधान कार्यान्वयन गर्दै विशेषाधिकार प्राप्ति' नारा सहित सम्पन्न भएको छ ।
सम्मेलनको लागि देशभरबाट प्रतिनिधि उपस्थित भएका थिए । सम्मेलनको उद्घाटन कार्यक्रममा प्रधानमन्त्री तथा नेकपा (माओवादी केन्द्र) का अध्यक्ष पुष्प कमल दाहाल 'प्रचण्ड' र अन्य केन्द्रीय नेताहरू समेत सहभागी भएका थिए ।
