- ट्रेण्डिङ :
प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले क्यान्टनमेन्टमा भ्रष्टाचार भएको ठहर भएको खण्डमा जेल जान तयार रहेको बताएका छन् ।
प्रतिनिधिसभामा जारी प्रश्नोत्तरका क्रममा सांसद ज्ञानबहादुर शाहीले ‘क्यान्टनमेन्टमा भएको भ्रष्टाचार किन छानविन भएन ? भन्ने प्रश्नको जवाफा दिने क्रममा प्रधानमन्त्री प्रचण्डले क्यान्टनमेन्टमा भ्रष्टाचार भएको भन्दै कसैले उजुरी दिएर भ्रष्टाचार ठहर भए आफू जेल जान तयार रहेको बताएका हुन् ।
प्रधानमन्त्री प्रचण्डले भने– ‘तत्कालीन जनमुक्ति सेना क्यान्टनमेनमा राख्ने सवाल माओवादीको मात्र सवाल थिएन । विस्तृत शान्ति सम्झौताको क्रममा राष्ट्रिय तथा अन्तर्राष्ट्रि संस्थाहरुको उपस्थितिमा त्यो काम भएको थियो ।
राज्यको उपस्थितिमा भएको काम हो । यहाँ कुनै पनि भ्रष्टाचार भएको छैन । तथापि, सकैले मुद्दा हालेर छानविन भएमा र भ्रष्टाचार भएको ठहर भएमा म जेल जान तयार छु ।’
शान्ति सम्झौतालाई टुङ्गोमा पुर्याउने क्रममा राज्यकै उपस्थितिमा भएको सेना समायोजनको सवाललाई आज राजनीतिक प्रतिशोधका आधारमा विषय बनाइएको भन्दै प्रधानमन्त्री प्रचण्डले असन्तुष्टि समेत जनाकाए छन् ।
