शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
पशुपतिनाथको जलहरीका विषयमा प्रधानमन्त्री पुष्कपकमल दाहाल प्रचण्डले संसदमा सम्वोधन गर्ने सहमति भएको छ ।
शनिबार बिहान सिंहदरबारमा बसेको सत्ता पक्ष र प्रमुख विपक्षी दलको बैठकमा जलहरी विवादबारे प्रधानमन्त्रीले संसदमा सम्बोधन गर्ने र माओवादीका सांसदले दिएको अभिव्यक्ति संसदको रेकर्डबाट हटाउने सहमति भएको हो ।
शुक्रबारको प्रतिनिधिसभा बैठकमा माओवादीका सांसद लेखनाथ दाहालले पशुपतीको जलहरीमा तत्कालिन प्रधानमन्त्री एवम् एमाले अध्यक्ष केपी शर्मा ओलीले भ्रष्टाचार गरेको आरोप लगाएका थिए ।
बैठकमा तीन दलका शीर्ष नेताबीच जलहरी लगाउने विषय पशुपति क्षेत्र विकास कोषसँग सम्बन्धित रहेकाले तत्कालीन प्रधानमन्त्री ओली यसमा नजोडिने निष्कर्ष निकाल्दै सदन सुचारु गर्ने सहमति गरेको हो ।
यस विषयमा प्रधानमन्त्रीले आजै सम्वोधन गर्ने र संसद सुचारु हुने सहमति भएको एमालेका सचेतक पदम गिरीले जानकारी दिए ।
आगामी दिनमा पनि यस्ता तथ्यहिन आरोपहरु संसदमा नलगाउन प्रधानमन्त्रीले आफ्ना सांसदहरुलाई अनुरोध गर्ने समेत सहमति भएको उनले बताए ।
