- ट्रेण्डिङ :
प्रधानमन्त्री पुष्पकमल दाहाल ‘प्रचण्ड’ले आफ्नो भारत भ्रमण विशेष हुने बताएका छन् ।
नेकपा माओवादीनिकट प्राध्यापक संगठनको राष्ट्रिय अधिवेशनलाई सम्बोधन गर्दै उनले यसै साता हुने भारत भ्रमण विशेष हुने बताएका हुन् । सो कममा उनले नेपालको राष्ट्रिय हितविपरीत कुनै सम्झौता र सहमति नगरिने समेत बताए ।
‘बजेट लगत्तै १७ गते भारत भ्रमण गर्दै छु । त्यसलाई विशेष हुन्छ भन्ने मैले बुझेको छु,’ उनले भने, ‘हामी पनि भारत भ्रमणलाई सफल बनाउने नेपालको राष्ट्रिय हित र जनतालाई सम्बोधन गर्ने भ्रमण बनाउने मेहनत गरेका छौँ।
व्यापार पारवहन सम्बन्धी २०१९ देखि रोकिएर बसेको छ। त्यसलाई खुला गर्ने विश्वास लिएको छु ।’ साथै उनले पञ्चेश्वर बहुआयामिक परियोजना पनि अगाडि बढाउनेबारे महत्त्वपूर्ण समझदारी हुने सम्भावना रहेको बताए ।
