शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
नेकपा एमालेले पार्टी विधानमा भएको ७० वर्षे प्रावधान हटाएको छ ।
एमालेले अन्तर पार्टी निर्देशन जारी गर्दै कार्यकारी नेतृत्वमा निर्वाचित वा मनोनीत हुन चाहिने ७० वर्षे उमेरहद हाललाई हटाइएको जानकारी दिएको हो ।
‘पार्टी विधानमा रहेको ७० वर्षे उमेरहद हाललाई निलम्बन गर्ने,’ अपानिमा भनिएको छ । एमालेमा गएको विधान महाधिवेशनले ७० वर्षे प्रावधान राखेको थियो ।
यदि कोही ७० वर्ष पुरा हुनुअघि नै उम्मेदवार भएर चुनाव जितेको खण्डमा उसले पूरा कार्यकाल काम गर्न पाउने व्यवस्था विधान महाधिवेशनले गरेको थियो । तर, अहिले भने उक्त व्यवस्था हटाईएको छ ।
एकीकृत समाजवादीबाट एमाले प्रवेश गरेका मुकुन्द न्यौपानेलाई केन्द्रीय कमिटीमा ल्याउन उक्त निर्णय गरिएको बुझिएको छ । उनी उमेरले ७१ वर्ष नाघिसकेको एमालेका एक नेताले बताए ।
