शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
नेकपा एमालेका उपाध्यक्ष सुवासचन्द्र नेम्वाङले सरकारले संसदमा प्रस्तुत गरेको आगामी आर्थिक वर्षको बजेट पास हुन नदिने बताएका छन् । बजेट भेदभावपूर्ण रहेको भन्दै उनले कुनै हालतमा पास हुन नदिने बताएका हुन् ।
शनिबार पार्टीको मधेस प्रदेशसभा सदस्यहरूलाई प्रशिक्षण दिन जनकपुर आएका पूर्वसभामुखसमेत रहेका नेम्बाङले भौतिक मन्त्रालयबाट ५ अर्बको बजेटमध्ये ५१ प्रतिशत बजेट ४ वटा जिल्लामा र बाँकी ४९ प्रतिशत बजेट ७३ जिल्लामा दिनेगरी भेदभावपूर्ण रूपमा गरिएको बजेटको समर्थन गर्न नसकिने बताए ।
सरकारले दुई दिनपछि अनिवार्य अवकाशमा जान लागेका कर्मचारीलाई मुख्यसचिव बनाउने र कार्यकाल बाँकी रहेका मुख्यसचिवलाई पदबाट राजीनामा दिन बाध्य बनाउने काम गरेको भन्दै त्यसको आलोचना गरे ।
‘आइतबार सचिवको म्याद सकिन्छ भन्ने व्यक्ति ३ दिनअघि मुख्यसचिव हुनुभयो । मुख्यसचिवको पद खालि थिएन । मुख्यसचिवमा काम गरिरहेका व्यक्ति उहाँको अझै तीन महिना म्याद थियो’ नेम्बाङले भने, ‘तर अचानक उहाँलाई राजीनामा गराइयो । सरकारले खेलो फड्को गरेर मुख्यसचिवमा नयाँ नियुक्ति ग¥यो ।’
उपाध्यक्ष नेम्वाङले नागरिकता पाउनुपर्ने वास्तविक व्यक्तिहरूले नागरिकता पाउन ढिलाइ गर्नु नहुने बताए । नागरिकताको विषय टुंगोमा पु¥याउने नाममा संविधान र नियमभन्दा पर जान नहुने उनको भनाइ छ ।
