शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
सत्तारुढ नेकपा माओवादी केन्द्रसहितका दलहरु समाजवादी मोर्चा घोषणाको अन्तिम तयारीमा जुटेका छन् ।
भोलि असार ४ गते समाजवादी मोर्चा घोषणा गर्ने तयारीमा रहेका दलका शीर्ष नेताहरु आज बिहान बालुवाटारमा छलफलमा जुटेका हुन् । मोर्चामा माओवादी केन्द्र, एकीकृत समाजवादी, जनता समाजवादी पार्टी, विप्लव नेतृत्वको नेकपा सहभागी हुने गरी बालुवाटारमा छलफल भइरहेको छ।
उनीहरुबीचको छलफल पश्चात समाजवादी मोर्चा मोडालिटी र घोषणालाई अन्तिम रुप दिइने बालुवाटार स्रोतले जनाएको छ ।
बालुवाटारमा प्रधानमन्त्री पुष्पकमल दाहाल एकीकृत समाजवादीका अध्यक्ष माधव कुमार नेपाल र जनता समाजवादी पार्टीका अध्यक्ष उपेन्द्र यादवबीच छलफल जारी रहेको बताइएको छ ।
नेकपाका महासचिव नेत्रबहादुर चन्द विप्लव पनि बालुवाटार जाँदैछन् । कार्यदलले मोर्चाको अवधारणापत्रको मस्यौदा तयार पारेको छ । यसलाई अन्तिम रूप दिन आज बैठक बोलाइएको हो ।
मोर्चामा नेपाल समाजवादी पार्टीका अध्यक्ष बाबुराम भट्टराईलाई पनि सहभागी गराउने भनिए पनि बैठकमा बोलाइएको छैन्।
असार १ गते समाजवादी मोर्चा गठनको घोषणा गर्ने भने पनि आन्तरिक तयारी नपुगेको भन्दै घोषणा भएको थिएन। भोलि असार ४ गते सोमबार मोर्चा घोषणा गर्न दलहरु अन्तिम तयारीमा जुटेका हुन् ।
