शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
क्यालिफोर्नियामा सान फ्रान्सिस्को बे ब्रिजमा एउटा चकित पार्ने घटना भएको छ । यहाँ एक महिलाले कारबाट बाहिर निस्किएर अचानक बन्दुकबाट गोली चलाउन थालिन् । यद्यपि, यसमा कोही पनि घाइते भएको खबर छैन ।
ती महिला पूर्ण रूपमा नग्न थिइन् । कसैले यसको भिडियो बनाएर भाइरल पनि बनाइदिएको थियो ।
क्यालिफोर्निया हाइवे पेट्रोलका कानुन प्रवर्तन अधिकारीका अनुसार एक महिलाले नग्न अवस्थामा I-80 स्प्यानमा स्थानीय समय अनुसार मङ्गलवार बेलुका करिब ४ः४० बजे बन्दुक चलाएकी हुन् ।
पहिला चक्कु त्यसपछि बन्दुक
रिपोर्टअनुसार महिलाले अचानक आफ्नो गाडीलाई एउटा गल्लीको बीचमा रोकिन् र चक्कु हल्लाउँदै र चिच्याउँदै बाहिर निस्किइन् । त्यसपछि उनी आफ्नो कारमा पुनः बसिन् र ओकल्याण्डतर्फ हानिइन् । न्युयोर्क पोस्टको रिपोर्टअनुसार एक टोल प्लाजामा पुगेपछि उनी एकपटक फेरी गाडीबाट निस्किइन् । यतिबेला उनी नग्न थिइन् र उनले बन्दुक बोकेकी थिइन् ।
प्रहरी अधिकारी तुरुन्त पुगे र हिरासतमा लिए
घटनाको फुटेजमा महिलालाई सडकमा हिँडेर हावामा फायरिङ गरिरहेको देख्न सकिन्छ । यद्यपि, अधिकारी तुरुन्त घटनास्थलमा पुगे र उनलाई हिरासतमा लिए । घटनामा कोही पनि हताहत भएको खबर छैन ।
महिलाको मानसिक अवस्था खराब
गिरफ्तारीपछि महिलाको मानसिक अवस्था ठिक नभएको पत्ता लागेको प्रहरीले जानकारी दिएको छ । उनलाई एक स्थानीय अस्पतालमा लगियो । सिएचपी अधिकारी एन्ड्रयू बार्कलेले घटनाबारे बोल्दै भने, ‘धन्य, यतिबेला कोही पनि घाइते भएनन् ।’
