- ट्रेण्डिङ :
कुवेत - कल्याणकारी नेपाली युवा समाज कुवेतले नेपालीहरूको महान चाड बडा दशैंको अवसर पारेर नेपालबाट अतिथि कलाकारहरू शान्ति श्री परियार , उर्गेन दोङ तथा आश्मा बिश्वकर्मालाइ कुवेत ल्याइ सांगीतिक कन्सर्ट गर्ने भएको छ ।
समाजले कुवेतस्थित माहबुल्ला ब्लक १ स्ट्रिट १३४ स्थित अलिया इन्टरनेशनल हस्पिटलको नजिकै रहेको तथा नेपालीहरूको खुला फुटबल मैदानसँगको इन्नोभा इन्टरनेशनल स्कुलको अत्याधुनिक सुविधा सम्पन्न हलमा आफ्नो दोश्रो सांगीतिक प्रस्तुतिको रूपमा आगामी ६ अक्टोबर २०२३ शुक्रबारका दिन कल्याणकारी सांगीतिक धमाका गर्न लागेको समाजका महासचिव आङ नोर्बु शेर्पाले मिडियासँग कुरा गर्दै जानकारी दिएका हुन् ।
यस अघि चर्चित कलाकार दुर्गेश थापालाइ कुवेत ल्याएर कुवेतवासी नेपाली दाजुभाइ तथा दिदीबहिनीहरूलाइ सांगीतिक मनोरन्जन प्रदान गरेको कल्याणकारीले यस पटक पनि नेपालकी चर्चित लोक तथा दोहोरी गायिका शान्ति श्री परियार, त्यसै गरि गायक, कम्पोजर तथा गीतकार उर्गेन दोङ र चर्चित डान्सर आश्मा बिश्वकर्मालाइ कुवेत ल्याइ सांगीतिक धमाका गर्न लागेको हो ।
अतिथि कलाकारहरूलाइ अनुबन्ध गरिसकेको कल्याणकारीले कार्यक्रम हलको पनि तय गरि सकेको छ भने कार्यक्रमलाइ भव्य र सभ्य रूपमा सफल बनाउन सम्पुर्ण कुवेतवासीलाइ कार्यक्रममा उपस्थितिको लागि हार्दिक निमन्त्रणा गर्दै उक्त दिन कुवेतमा रहेका कुनै पनि संघ संस्थाले कार्यक्रम नजुधाइदिनु हुन पनि आग्रह गरेको छ ।
समाजले स्थापनाकालदेखि नै सामाजिक र मानविय सेवाका कार्यहरू गर्दै आएको छ । त्यसैगरी समय समयमा विभिन्न खेलकुद प्रतियोगिताहरू गराउँदै आएको छ भने कुवेतमा रहेका हरेक संघ संस्थासँग हातेमालो र सहकार्य गर्दै आएको छ ।
कार्यक्रमको विवरणः
कार्यक्रमः कल्याणकारी दशैं विशेष सांगीतिक धमाका २०२३ ।
स्थानः इन्नोभा इन्टरनेशनल स्कुल, माहबुल्ला, ब्लक १ स्ट्रिट १३४, अलिया इन्टरनेशनल हस्पिटल नजिक, नेपाली फुटबल खेल मैदान सँगै ।
मितिः सन २०२३ अक्टोबर ६ तारिक शुक्रबार ।
समयः दिनको ११ बजे ।
