- ट्रेण्डिङ :
कुवेत - नेपाल कुवेत सरोकार समाजको पाचौं सांगीतिक धमाका नेपालका राष्ट्रिय ख्याति प्राप्त कलाकार शिव परियार र रचना रिमालको साथमा हुने भएको छ ।
कुवेतस्थित जिलिबको इन्डियन स्कुल संगै रहेको स्पायर स्कुलको सभाहलमा ख्याति प्राप्त गायक शिव परियार र गायिका रचना रिमालको साथमा ३१ मे २०२४ शुक्रवारको दिन पाचौं सांगीतिक धमाका गर्न लागिएको कार्यक्रम संयोजक दामोदर बटलाले जानकारी दिएका छन ।
कुवेत सरकारले प्यालेस्टाइनप्रति एक्यबद्द्ता जनाउदै अनिश्चितकालका लागि सांगीतिक कार्यक्रम स्थगित साथै अन्य ठुला कार्यक्रम नगर्ने घोषणा गरेकाले समाजले २४ नोभेम्बर २०२३ मा हुने कार्यक्रम स्थगित गरेको थियो । कुवेत नगरीमा सन् २०१४ मा 'समाज र देश निर्माणका लागि यूवा एकता' भन्ने मुल नाराका साथ स्थापना भएको सस्थाले पहिलो, दोश्रो, तेश्रो र चौथो सांगीतिक धमाका चर्चित कलाकारको साथमा सम्पन्न गरिसकेको छ ।
सो कार्यक्रममा स्थानीय कलाकारको समेत सांगीतिक प्रस्तुती रहने छ । कुवेतको नेपाली समाजमा स्थापना कालदेखी नै बिभिन्न सामाजिक कार्यमा समाज सक्रिय छ । उक्त दिन हुने कार्यक्रममा कुवेतमा कृयाशिल सम्पूर्ण नेपाली संघ - संस्थाका पदाधिकारी, बुद्धिजिवि, समाजसेवी, पत्रकार, कलाकार, खेलाडी साथै सम्पूर्ण नेपाली दाजुभाइ तथा दिदीबहिनीहरुलाई कार्यक्रममा उपस्थितिको लागि अनुरोध गर्दै उक्त दिन कुनै पनि संघ - संस्था वा व्यक्ति विशेषले कार्यक्रम नजुधाईदिन समेत आयोजकले अनुरोध गरेको छ ।
कार्यक्रमको विवरण :
मितिः ३१ मे २०२४
स्थान: स्पायर इन्डियन स्कुल जिलिब
समयः बिहान ११ बजे देखी
आयोजक : नेपाल कुवेत सरोकार समाज
