शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
उत्तरी गाजाको जबलियामा इजरायली सेना र हमास लडाकुहरूबिच भीषण द्वन्द्व भइरहेको छ ।
हमास लडाकुहरू फेरि जबलियामा भेला भएको र उनीहरूलाई हटाउने उद्देश्यले आफूहरू त्यहाँ पुगेको इजरायलले बताएको छ। युद्धका कारण विस्थापितहरूले जबलियाको शरणार्थी शिविरतर्फ ट्याङ्कहरू जाँदै गरेको आफूहरूले देखेको बताएका थिए ।
जबलियामा शनिबारदेखि भारी बम विस्फोट भइरहेको छ। प्यालेस्टिनी सशस्त्र समूहहरूले त्यहाँको शरणार्थी शिविरहरूमा इजरायली सैनिकहरूसँग लडिरहेको बताइएको छ।
यसैबिच, संयुक्त राष्ट्रसंघले हालसम्म ३ लाख ६० हजार मानिस रफाहबाट विस्थापित भएको जनाएको छ । गत हप्तादेखि इजरायलले यहाँ आफ्नो कारबाहीलाई तीव्र पारेको थियो।
कम्तीमा १० लाख प्यालेस्टिनी शरणार्थीहरू यहाँ बसिरहेका छन्। इजरायली सेनाले रफाहलाई खाली गर्न भनेको थियो।
