- ट्रेण्डिङ :
इजरायलको आक्रमणका कारण लेबनानमा संयुक्त राष्ट्रसंघले सोमबारयता ९० हजारभन्दा बढी मानिस विस्थापित भएका छन् ।
संयुक्त राष्ट्रसंघका अनुसार इजरेली सेनाले दक्षिणी लेबनान र बेक्का क्षेत्रमा गरेको हमलाका कारण हजारौँ मानिसहरू विस्थापित भइरहेको तथ्यांक सार्वजनिक भएको हो ।
लेबनानको स्वास्थ्य मन्त्रालयले बुधबारको इजरायली हवाई हमलाहरूमा मात्रै ५१ जनाको ज्यान गएको जनाएको छ। गत अक्टोबर ८ तारिखयता इजरायल र हिज्बुल्लाहबीच दैनिकजसो सीमापार हमला भइरहँदा उत्तरी इजरेलमा ६०,००० भन्दा बढी मानिसहरू विस्थापित भएका छन्।
इजरायलका उत्तरी कमाण्डका प्रमुख मेजर जनरल ओरी गोर्डिनले आफूहरू कारबाही अभियानको नयाँ चरणमा प्रवेश गर्न लागेको र त्यसका निम्ति आफ्नो सेना पूर्ण रूपमा तयार हुनुपर्ने बताए।
इजरायलले हिजबुल्लाहविरुद्ध थप व्यापक हवाई आक्रमणहरू जारी राख्दा हिजबुल्लाहले पनि उत्तरी इजरायलमा जबाफी आक्रमण गरिरहेको बीबीसीले जनाएको छ ।
