शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
रुरु हाइड्रोपावर परियोजनाले गुल्मीको हुग्दी खोलामा भुरा माछा छोडेको छ । जिल्लाको चन्द्रकोट गाउँपालिका वडानम्बर-४ शान्तिपुर स्थित हुग्दी खोलामा दश हजार माछाका भुरा छाडिएको हो ।
पछिल्लो समय विभिन्न कारणले खोलामा माछाको संख्यामा पनि कमी हुँदै गएको छ । परियोजनाले सामाजिक उत्तरदायित्व स्वरुप भुरा माछा छोडेको जनाएको छ ।
रुरु हाइड्रोपावर परियोजनाले गरेको यो कार्यले पर्यावरण जोगाउन मद्दत हुने चन्द्रकोट गाउँपालिका अध्यक्ष युवराज केसीले बताए । हुग्दी खोलामा जाल हान्ने, विषादी प्रयोग गरी माछा मार्ने, तथा करेन्ट हान्ने जस्ता गतिविधिहरु नगर्न गाउँपालिकाले अनुरोधसमेत गरेको छ ।
