- ट्रेण्डिङ :
नेपाली कांग्रेसका नेता डा. शेखर कोइरालाले उद्योगीसँग विद्युत् बक्यौता उठाउन विद्युत् प्राधिकरणका कार्यकारी निर्देशक कुलमान घिसिङले सही कदम चालेको बताएका छन् ।
उद्योगीसँग विद्युत् बक्यौता उठाउने विषयमा सरकार र विद्युत् प्राधिकरणबीच चलिरहेको विवादमा सत्तारुढ दलकै नेताले यस्तो बताएका हुन् । शनिबार काठमाडौंमा पार्टीले आयोजना गरेको शुभकामना आदानप्रदान कार्यक्रमलाई सम्बोधन गर्दै उनले भने, ‘अहिले कुलमानको इस्यूमा सरकार अघि बढेको छ ।
अस्ति बोर्डको बैठकमा कुलमान जी र मन्त्रीजीको कुरा मिलेन रे । अर्बौँको बक्यौताको कुरा छ । देश ऋण लिएर चलिरहेको छ, सरकार भन्छ – अहिले बक्यौता नलेऊ, बक्यौता लिएन भने देश चल्छ कसरी ?’ प्राधिकरणले बक्यौता नबुझाएको भन्दै शुक्रबार उद्योगको लाइन काटेको थियो ।
यस्तै, कोइरालाले वर्तमान सरकारले सय दिनमा लक्ष्यअनुसारको काम गर्न नसकेको बताए ।
