- ट्रेण्डिङ :
एजेन्सी । कोरोना भाइरसका विषयमा भएको एक अध्ययनले नयाँ खुलासा गरेको छ । वैज्ञानिकहरुले कोरोना संक्रमित व्यक्तिमा बाँझोपनको समस्या आउने नयाँ खुलासा गरेका छन् ।
कोरोना संक्रमित व्यक्तिमा कोरोनाको सामान्य लक्षण देखिएको अवथा नदेखिएको अवस्थामा पनि अण्डकोषमा असर पुग्नसक्ने र नपुंसक हुनसक्ने अध्ययनमा पत्ता लागेको हो । अध्ययनकाअनुसार कोरोना संक्रमणको ३० औँ दिनसम्ममा पुरुषमा शुक्रकिटको संख्यामा आधाले कमी आउने देखिएको छ ।
इजरायलमा भएको उक्त अध्ययनका क्रममा कोरोना संक्रमित पुरुषमा भएको शुक्रकिटको प्रभावकारितामा पनि असर पुग्ने पत्ता लागेको छ । तर, कोरोना संक्रमित पुरुषमा सन्तान उत्पादनको क्षमतामा पूर्णकालिन ह्रास आउँछ अथवा आउँदैन भन्नेमा अझै अस्पष्टता रहेको अध्ययनमा संलग्न वैज्ञानिकहरुले बताएका छन् ।
कोरोना संक्रमित युवकको वीर्य उत्पादनमा अल्पकालिन रुपमा कमी आउने अध्ययनमा देखिएको छ । ‘द जर्नल अफ फर्टिलिटी एण्ड स्टेरिलिटी’मा प्रकाशित रिपोर्टकाअनुसार अध्ययनका क्रममा कोरोनाको सामान्य लक्षण देखिएको पुरुषमा पनि वीर्य उत्पादनको क्षमतामा परिवर्तनहरु भएको पाइएको छ ।
